پشاور: خیبرپختونخوا سے مراد سعید کی خالی ہونے والی سینیٹ نشست کے لیے پی ٹی آئی کا امیدوار اب واضح ہو گیا ہے۔ ذرائع کے مطابق اپوزیشن نے اخونزادہ حسین یوسف زئی کو سینیٹ امیدوار کے طور پر پیش کیا ہے۔
پی ٹی آئی کے 23 امیدواروں نے کاغذات نامزدگی حاصل کر لیے تھے، تاہم پارٹی نے سب کو کاغذات جمع کرانے سے روک دیا۔ مراد سعید کی نشست کے لیے گزشتہ شب پارلیمانی بورڈ کا اجلاس وزیراعلیٰ خیبرپختونخوا سہیل آفریدی کی صدارت میں ہوا، جس میں امیدواروں کے ناموں پر مشاورت کی گئی۔
ذرائع کے مطابق بورڈ میں عرفان سلیم اور فیض الرحمن کے نام بھی زیر بحث آئے۔ عرفان سلیم کا نام 9 مئی کو شامل ہونے کے لیے زیر غور تھا، جبکہ فیض الرحمن نے پارٹی کے کیسز میں قانونی معاونت کا وعدہ کیا تھا۔ پی ٹی آئی قیادت نے تاکید کی کہ امیدوار کو سینیٹ میں فعال کردار ادا کرنے والا ہونا چاہیے، کیونکہ خرم ذیشان منتخب ہونے کے باوجود مؤثر کردار ادا نہیں کر سکے۔
پارٹی کی داخلی مشاورت کے بعد اخونزادہ حسین یوسف زئی کو منتخب امیدوار بنانے پر اتفاق کیا گیا، اور بانی کی بہنوں نے بھی اس نام کی حمایت کی۔ کاغذات نامزدگی جمع کرانے کی آخری تاریخ کل مقرر ہے۔
