کاراکس/واشنگٹن: امریکی فوج نے وینزویلا کے دارالحکومت کاراکس اور دیگر علاقوں پر حملے کیے ہیں، جن کے دوران کاراکس میں کم از کم 7 دھماکے ہوئے اور شہر کے مختلف حصوں میں طیاروں کی نچلی پروازیں دیکھنے میں آئیں۔
امریکی میڈیا کے مطابق صدر ڈونلڈ ٹرمپ نے وینزویلا میں فوجی کارروائی کا حکم دیا ہے، جبکہ ایک امریکی عہدیدار نے نام ظاہر نہ کرنے کی شرط پر خبر ایجنسی کو بتایا کہ یہ حملے وینزویلا کے وسائل پر کنٹرول کے لیے کیے جا رہے ہیں۔
وینزویلا حکومت نے تصدیق کی کہ حملے کاراکس، میرانڈا، آراگوا اور لاگویرا ریاستوں میں کیے گئے۔ حکومت نے اعلان کیا کہ امریکا وینزویلا کے وسائل پر قابض نہیں ہو پائے گا اور امریکی فوجی جارحیت مسترد کی جاتی ہے۔ وینزویلا کے صدر نے ملک میں ایمرجنسی نافذ کر دی ہے۔
WATCH: Major secondary explosions after U.S. airstrike near Higuerote Airport, Miranda, Venezuela. pic.twitter.com/JezFG9qxLz
— Clash Report (@clashreport) January 3, 2026
روسی میڈیا نے دعویٰ کیا ہے کہ امریکی حملوں میں وینزویلا کے دفاعی ہیڈکوارٹرز کو نشانہ بنایا گیا اور صدر نے صدارتی محل چھوڑ دیا۔ اس کے علاوہ وینزویلا کے کئی جزائر میں امریکی میرینز کے زمینی آپریشن کے غیر مصدقہ اطلاعات بھی سامنے آئیں۔
کولمبیا کے صدر نے بتایا کہ کاراکس پر میزائل داغے جا رہے ہیں اور انہوں نے اقوام متحدہ کی سلامتی کونسل کو ہنگامی اجلاس بلانے کی درخواست کی ہے۔
U.S. helicopter, possibly an AH-1Z Viper, firing guns and rockets at ground targets in Caracas, Venezuela. pic.twitter.com/IplhDFbs2c
— Clash Report (@clashreport) January 3, 2026
