راولپنڈی: تحریک انصاف کے بانی عمران خان سے آج جیل میں ملاقات کا دن ہے، لیکن ان کی بہنوں سمیت کسی کو بھی ملاقات کی اجازت نہیں مل سکی، جس کے خلاف علیمہ خان نے اڈیالہ جیل کی جانب پیدل مارچ شروع کردیا ہے۔
اڈیالہ جیل میں قید عمران خان سے منگل کو فیملی رہنما ملاقات کرتے ہیں، تاہم کچھ وقت سے ان کی ملاقاتوں پر پابندی ہے۔اڈیالہ جیل میں قید عمران خان سے منگل کو فیملی کے ارکان اور وکلا ملاقات کرتے ہیں، تاہم کچھ وقت سے ان کی ملاقاتوں پر پابندی ہے۔
دوسری جانب تحریک انصاف کے کارکنان بھی بڑی تعداد میں اڈیالہ جیل کے باہر موجود ہیں، اور عمران خان کے حق میں نعرے بازی کی جا رہی ہے۔حکومت نے بانی پی ٹی آئی عمران خان کی ملاقاتوں پر پابندی عائد کررکھی ہے، اور مؤقف اختیار کیا ہے کہ کسی کو جیل میں بیٹھ کر سیاسی فیصلے کرنے کی اجازت نہیں دی جا سکتی۔
علیمہ خانم کا کارکنوں کے ہمراہ اڈیالہ جیل کی جانب پیدل مارچ شروع !! pic.twitter.com/WkpMW7lOUR
— Haider Ali (@Haider4PTI) December 30, 2025
اس کے علاوہ وزیراعظم شہباز شریف نے پی ٹی آئی کو مذاکرات کی پیشکش بھی کی ہے، جس کے جواب میں تحریک انصاف نے بات چیت سے انکار کیا، تاہم تحریک تحفظ آئین پاکستان (جس میں پی ٹی آئی بھی شامل ہے) نے بات چیت پر آمادگی ظاہر کی ہے۔
