ایران اسرائیل جنگ

اسرائیلی وزیر اعظم یاہوکو زندہ ہونےکا ثبوت دینےکیلئے ایک اور ویڈیو جاری کرنا پڑگئی

By ویب ڈیسک
0

تل ابیب :اسرائیلی وزیراعظم نیتن یاہو کو  اپنے زندہ ہونےکا ثبوت دینےکے لیے ایک اور ویڈیو جاری کرنا پڑگئی۔

سوشل میڈیا پر نیتن یاہو کے ایرانی حملوں میں ہلاک ہونے کی خبریں سامنے آنے کے بعد 12 مارچ کو نیتن یاہو نے ایران کے سپریم لیڈر کو دھمکیوں سے بھرا ایک ویڈیو بیان جاری کیا جس میں ان کے ہاتھوں  میں بظاہر 6 انگلیاں نظر آئیں جس کی وجہ سے لوگوں نے اس ویڈیو کو آرٹیفیشل انٹیلی جنس (اے آئی) سے بنائی گئی ویڈیو قرار دیا۔ اس ویڈیو کے بعد اسرائیل وزیراعظم  کے مارے جانے کی افواہوں میں تیزی آگئی ۔

ہفتے کے روز اسرائیل کی سکیورٹی میٹنگ  اور اس کے بعد میڈیا بریفنگ میں بھی اسرائیلی وزیر اعظم نظر نہیں آئے جس پر افواہوں نے مزید زور پکڑلیا  اور  آرٹیفیشل انٹیلی جنس سے بنائی گئی مزید تصاویر اور ویڈیوز بھی سامنے آنے لگیں۔ اس کے جواب میں  اسرائیلی وزیر اعظم کے دفتر کی طرف سے جاری کیے جانے والے بیان میں تمام افواہوں کو غلط قرار دیا گیا۔

گزشتہ  روز  اپنے زندہ ہونےکا ثبوت دینےکے لیے اسرائیلی وزیراعظم نیتن یاہو نے اپنے ایکس اکاؤنٹ پر ویڈیو جاری کی تاہم اس پر بھی صارفین نے سوال اٹھادیے۔

اس  ویڈیو میں اسرائیلی وزیراعظم نیتن یاہو ایک کیفے سےکافی لیتے ہوئے نظر آئے۔ عبرانی زبان میں گفتگو کرتے ہوئے نیتن یاہو نے اپنے مرنےکی خبروں کو مسترد کرتے ہوئےکہا کہ ‘میں کافی پر مرگیا ہوں’۔اسرائیلی وزیراعظم نے ویڈیو میں اپنے دونوں ہاتھ بھی اٹھا کر دکھائے تاکہ واضح کریں کہ ان کی کُل دس انگلیاں ہیں۔

تاہم اس ویڈیو پر بھی سوال اٹھ گئے کہ کافی کا کپ جوکہ لبالب بھرا ہوا تھا لیکن نیتن یاہو کے بار ہا ہاتھ ہلانے کے باجود کافی نہیں گری اور  کافی پینے کے باجود اس میں سے کافی بالکل کم نہ ہوئی۔ کسی نے کہا کہ جس کیفے کی کافی وہ پی رہے ہیں وہ پہلے ہی بند ہوچکا ہے۔

اس حوالے سے سوشل میڈیا پر پھر بحث چل پڑی جس کے بعد اب نیتن یاہو نے اپنے ایکس اکاؤنٹ پر تیسری ویڈیو شیئر کی جس میں وہ کسی تفریحی مقام پر موجود ہیں اور وہاں موجود لوگوں سے ملاقاتیں کر رہے ہیں۔

سوشل میڈیا صارفین نے اس ویڈیو پر بھی سوال اٹھانا شروع کردیے ہیں  اور ان کا خیال ہےکہ نیتن یاہو مارے جاچکے ہیں اور یہ سب اے آئی سے بنی ویڈیوز ہیں۔

ویب ڈیسک 2577 posts 0 comments
شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

footer