منامہ: صدرِ پاکستان آصف علی زرداری بحرین کے چار روزہ سرکاری دورے کے لیے منامہ پہنچ گئے۔ ان کا استقبال بحرین نیشنل گارڈ کے کمانڈرشیخ محمد بن عیسیٰ الخلیفہ اور بحرین کے وزیرِ خارجہ شیخ ڈاکٹر عبداللطیف بن رشید الزیانی نے کیا۔
اس موقع پر پاکستان میں بحرین کے سفیر محمد ابراہیم عبدالقادر اور بحرین میں پاکستان کے سفیرثاقب رؤف بھی موجود تھے۔
صدر زرداری کے دورے کے دوران، وہ بحرین کے فرمانرواشاہ حمد بن عیسیٰ الخلیفہ اور ولی عہد و وزیرِ اعظم شہزادہ سلمان بن حمد الخلیفہ سے ملاقات کریں گے۔ علاوہ ازیں، وہ منامہ میں اکنامک ڈیولپمنٹ بورڈ کے صدر دفتر میں منعقدہ استقبالیہ سے بھی خطاب کریں گے۔
