لندن :معروف گلوکار اور سوشل میڈیا پر مشہور شخصیت چاہت فتح علی خان پر ایک تقریب میں انڈوں سے حملہ کیا گیا جس کے بعد وہ شدید دل برداشتہ ہو گئے۔
واقعے کے فوری بعد انہوں نے سوشل میڈیا پر ایک ویڈیو پیغام جاری کیا جس میں وہ روتے ہوئے اپنی مایوسی اور دکھ کا اظہار کرتے دکھائی دے رہے ہیں۔یہ ویڈیو چند ہی گھنٹوں میں وائرل ہو گئی۔
چاہت فتح علی خان کا کہنا تھا کہ وہ عوام کے لیے دل سے گاتے ہیں اور انہیں اس طرح ذلیل کرنے کی کوئی ضرورت نہیں تھی۔ان کے مطابق وہ اپنی محنت سے لوگوں کو خوش کرنے کی کوشش کرتے ہیں لیکن اس واقعے نے ان کا دل توڑ دیا ہے۔
انڈے پڑنے کے واقعے کے بعد چاہت فتح علی خان زار و قطار رو پڑے، کسی سے بھی اختلاف جتنا مرضی ہو کوئی جتنا مرضی برا لگے مگر اس حد تک نہیں گرنا چاہیے تھا۔ pic.twitter.com/JjcfmE6cgE
— Ans (@PakForeverIA) September 11, 2025
ویڈیو سامنے آنے کے بعد سوشل میڈیا پر مداحوں اور صارفین کی جانب سے مختلف ردعمل سامنے آئے ہیں۔ کئی افراد نے ان کے ساتھ ہمدردی اور افسوس کا اظہار کیا جبکہ کچھ نے اس واقعے کو تنقید کا نشانہ بنایا۔
