اسلام آباد:معروف پاکستانی اداکارہ حنا آفریدی اور اداکار تیمور اکبر حال ہی میں شادی کے بندھن میں بندھ گئے ہیں۔
سوشل میڈیا پر جوڑے کی نکاح کی تصاویر وائرل ہو رہی ہیں، جن میں حنا آفریدی نے سفید رنگ کا لباس زیب تن کیا اور بھاری گولڈن جیولری ان کی خوبصورتی میں اضافہ کر رہی تھی۔
اسی دوران ایک دلچسپ ویڈیو بھی سامنے آئی ہے، جس میں حنا آفریدی اپنے شوہر تیمور اکبر سے نکاح کے موقع پر مخصوص ڈیمانڈ کر رہی ہیں۔ ویڈیو میں اداکارہ دیکھائی دیتی ہیں کہ وہ اپنے شوہر سے ماہانہ 5 لاکھ روپے خرچ کرنے اور ہر چھ ماہ بعد بزنس کلاس میں سفر کی درخواست کر رہی ہیں۔
حنا آفریدی نے یہ بھی کہا کہ مہنگے کپڑے اور شاپنگ کا سارا خرچ بھی تیمور کو اٹھانا ہوگا اور وہ اپنی جیب سے کوئی رقم خرچ نہیں کریں گی، جس پر تیمور اکبر نے خوش دلی سے رضامندی ظاہر کی۔ وائرل ویڈیو میں جوڑے کی یہ مذاق آمیز بات چیت ناظرین کو کافی پسند آ رہی ہے۔
