دنیا کا تیز ترین کوڑے دان: 66 میل فی گھنٹہ کی رفتار سے دوڑ کر گنیز ریکارڈ قائم کر دیا

دنیا کا تیز ترین کوڑے دان: 66 میل فی گھنٹہ کی رفتار سے دوڑ کر گنیز ریکارڈ قائم کر دیا

لندن: برطانوی محقق مائیکل وال ہیڈ نے دنیا کا تیز ترین موٹرائزڈ کوڑے دان تیار کر کے گنیز ورلڈ ریکارڈ اپنے نام کر لیا ہے۔ یہ پہیوں والا کوڑے دان 66 میل فی گھنٹہ کی رفتار سے دوڑنے میں کامیاب ہوا۔

مائیکل وال ہیڈ نے اس سے قبل 55 میل فی گھنٹہ کی رفتار سے دوڑنے والے کوڑے دان کا ریکارڈ بھی قائم کیا تھا۔ انہوں نے اس نئے تیز رفتار کوڑے دان کو "جنرل ویسٹ” کا نام دیا ہے اور اسے مزید بہتر بنانے کے لیے کام جاری رکھا ہوا ہے۔

مائیکل کا کہنا ہے کہ جنرل ویسٹ کی تخلیق کا خیال اینڈی جیننگ سے متاثر ہو کر آیا، جنہوں نے 2020 میں 45 میل فی گھنٹہ کی رفتار کا ریکارڈ بنایا تھا۔ مائیکل نے پہیوں والے کوڑے دان کو آن لائن 25 ڈالر میں خریدا اور 900 ڈالر کی لاگت سے اس میں کئی تبدیلیاں کیں، جیسے 125 سی سی ٹو اسٹروک انجن لگانا، وہیلز کو بہتر بنانا اور دیگر تکنیکی اصلاحات۔

یہ منفرد کامیابی نہ صرف ایک تفریحی واقعہ ہے بلکہ اس سے یہ بھی ظاہر ہوتا ہے کہ معمولی چیزوں میں تخلیقی جدت کے ذریعے حیرت انگیز ریکارڈ قائم کیے جا سکتے ہیں۔