کراچی :پاکستان کی سینئر اداکارہ صبیحہ ہاشمی نے نوجوان نسل کو شادی شدہ زندگی کو خوشحال بنانے کے اہم طریقے سے آگاہ کیا ہے۔
حال ہی میں ایک انٹرویو میں اداکارہ نے زندگی کے مختلف پہلوؤں پر گفتگو کرتے ہوئے نوجوانوں کو مشورہ دیا کہ شادی میں میاں بیوی کا رشتہ برابری اور احترام پر مبنی ہونا چاہیے۔
صبیحہ ہاشمی کے مطابق برداشت اور صبر شادی شدہ زندگی کی بنیاد ہیں۔ انہوں نے کہا کہ اگر ایک دوسرے کا برابر مقابلہ کیا جائے تو بات بگڑنا شروع ہو جاتی ہے۔ اداکارہ نے اپنی ذاتی مثال دیتے ہوئے بتایا کہ شوہر کے غصے کے دوران خاموش رہنا اور بعد میں اپنی بات منوانا ان کا سادہ مگر مؤثر اصول ہے۔
انہوں نے کہا کہ "میں نے اپنے شوہر کے ساتھ بھی یہی طریقہ اپنایا ہے، جب وہ غصے میں ہوتے ہیں تو صرف ان کی بات مانی جاتی ہے، اور بعد میں اپنی بات بھی منوائی جاتی ہے۔” صبیحہ ہاشمی کے مطابق یہی صبر اور سمجھداری شادی شدہ زندگی کو خوشحال اور پرامن بنانے کا راز ہے۔
