این ڈی یو میں جاری انٹرنیشنل ورکشاپ آن لیڈرشپ اینڈ اسٹیبلیٹی کے شرکا کی وزارت خارجہ آمد

اسلام آباد:نیشنل ڈیفنس یونیورسٹی کے انسٹی ٹیوٹ آف اسٹریٹیجک اسٹڈیز، ریسرچ اینڈ اینالیسس (آئی ایس ایس آر اے) میں جاری ’چھٹی انٹرنیشنل ورکشاپ آن لیڈرشپ اینڈ اسٹیبلیٹی‘ کے شرکا نے آج وزارتِ خارجہ اسلام آباد کا دورہ کیا۔

ترجمان دفتر خارجہ سفیر طاہر اندرابی نے وفد کو ایک انٹرایکٹو سیشن کے دوران پاکستان کی خارجہ پالیسی، اس کی تشکیل، مقاصد اور ترجیحات سے آگاہ کیا۔ اس موقع پر وزارتِ خارجہ کے تنظیمی ڈھانچے اور طریقہ کار پر بھی تفصیلی بریفنگ دی گئی۔

ورکشاپ کے شرکا میں دنیا کے تمام براعظموں سے تعلق رکھنے والے 50 سے زائد ممالک کے ماہرین تعلیم، پریکٹیشنرز اور اعلیٰ سطح کے پالیسی ساز شامل تھے، جن میں پاکستان کے نمائندگان بھی شریک ہیں۔