وزیر خارجہ اسحاق ڈار کا ایرانی ہم منصب سے ٹیلی فونک رابطہ، خطے کی صورتحال پر تبادلۂ خیال
اسلام آباد: پاکستان کے نائب وزیر اعظم اور وزیر خارجہ اسحاق ڈار نے ایرانی وزیر خارجہ عباس عراقچی سے ٹیلی فونک رابطہ کیا۔ دفتر خارجہ کے ترجمان کے مطابق دونوں رہنماؤں نے ایران اور خطے کی موجودہ صورتحال پر تفصیلی تبادلۂ خیال کیا۔
ترجمان کے مطابق وزیر خارجہ اسحاق ڈار نے خطے میں امن و استحکام کے فروغ کے لیے عباس عراقچی کے لیے نیک خواہشات کا اظہار کیا۔ اس کے علاوہ دونوں رہنماؤں نے باہمی دلچسپی کے امور پر مسلسل دوطرفہ مشاورت جاری رکھنے پر اتفاق کیا۔
