ہاتھی نے لکڑی کا بڑا ٹکڑا مہارت سے پلر رکھ کر لوگوں کو حیران کردیا، ویڈیو وائرل
ہاتھی کو ذہین جانوروں میں سے ایک کہا جاتا ہے اور اس دعوے کو ثابت کرنے کیلئے انٹرنیٹ پر کئی ویڈیوز بھی موجود ہیں۔ایسی ہی ایک ویڈیو ان دنوں ٹوئٹر پر گردش کر رہی ہے جو آپ کو اس حقیقت کا مکمل یقین دلائے گی۔
سوشل میڈیا پر ان دنوں ایک ویڈیو وائرل ہورہی ہے جس میں دیکھا جاسکتا ہے کہ چڑیا گھر میں موجود ہاتھی مہارت سے لکڑی کا بڑا ٹکڑا وہاں موجود ایک لکڑی کے ستون پر رکھ رہا ہے۔
ویڈیو میں دیکھا گیا کہ ہاتھی چڑیا گھر میں ایک لکڑی کا ٹکڑا اپنی سونڈھ اور دانتوں کی مدد سے اٹھاتا ہے اور قریب ہی موجود لکڑی کے ستون کی طرف آتا ہے۔
ہاتھی پلر کے پاس پہنچ کر لکڑی کے ٹکڑے کو پلر پر رکھنے کی کوشش کرتا ہے اور تھوڑی دیر کی جدوجہد کے بعد بلآخر وہ اسے مہارت سے پلر پر اس طرح رکھ دیتا ہے کہ وہ اپنا توازن برقرار رکھتا ہے اور نیچے نہیں گرتا۔
رپورٹس کے مطابق یہ ویڈیو سوئٹزر لینڈ کے بیسل چڑیا گھر کی ہے۔
اس ویڈیو کو 26 لاکھ سے زائد بار دیکھا جا چکا ہے اور ہاتھی کی ذہانت دیکھ کر سوشل میڈیا صارفین بھی حیران رہ گئے ہیں۔
