آصف زرداری اور فضل الرحمان کے درمیان ملاقات: کابینہ کی تشکیل پر مشاورت

اسلام آباد: پاکستان پیپلزپارٹی اور جمعیت العلمائے اسلام (ف) کے درمیان کابینہ کی تشکیل پر اہم مشاورت ہوئی ہے۔ یہ مشاورت سابق صدر پاکستان آصف علی زرداری اور امیر جے یو آئی (ف) مولانا فضل الرحمان کے درمیان ہوئی ہے۔

ملاقات اس وقت ہوئی جب اپوزیشن جماعتوں کے سیاسی اتحاد پاکستان ڈیمو کریٹک موومنٹ ( پی ڈی ایم) کے سربراہ مولانا فضل الرحمان کی جانب سے اپنے اعزاز میں دیے گئے افطار ڈنر میں شرکت کے لیے سابق صدر آصف علی زرداری امیر جے یو آئی کی رہائش گاہ پر پہنچے۔

آصف زرداری کے ہمراہ پی پی کے مرکزی سیکریٹری جنرل اور سابق چیئرمین سینیٹ نیر حسین بخاری بھی تھے۔ ملاقات میں مولانا صلاح الدین بھی موجود تھے۔

اس سلسلے میں ذمہ دار ذرائع نے بتایا کہ دونوں رہنماؤں کے درمیان ہونے والی ملاقات میں وفاقی کابینہ کی تشکیل پر اہم مشاورت ہوئی۔

ذرائع کے مطابق بات چیت میں ملک کی مجموعی سیاسی صورتحال سمیت آئندہ کی مشترکہ حکمت عملی پر بھی تبادلہ خیال کیا گیا۔ ذرائع کے مطابق دونوں رہنماؤں کے درمیان آئندہ مستقبل میں بھی مل کر ساتھ چلنے پر اتفاق کیا گیا۔

دونوں رہنماؤں کے درمیان ہونے والی بات چیت کے دوران آصف زرداری اور مولانا فضل الرحمان نے سابق وزیراعظم اور چیئرمین پاکستان تحریک انصاف عمران خان کے متعلق کہا کہ وہ بوکھلاہٹ کا شکار ہو گئے ہیں۔

50% LikesVS
50% Dislikes

اپنا تبصرہ بھیجیں