ملک ریاض اور بیٹی امبرکی عمران خان ، بشرا بی بی اور فرح خان سے متعلق تہلکہ خیز آڈیوکال لیک

اسلام آباد(کرائم رپورٹر)پاکستان کے مشہور کاروباری شخصیت ملک ریاض اور انکی بیٹی امبر کی مبینہ آڈیو کال لیک ہوگئی۔آڈیو کال میں ملک ریاض اور ان کی بیٹی امبر، سابق وزیراعظم عمران خان اور ان کی اہلیہ بشرا بی بی، فرح خان سے متعلق بات چیت کررہے ہیں۔

آڈیو کال میں امبر اپنے والد کو فرح خان کی فرمائش بتارہی ہے۔ جس پر ملک ریاض رضا مند ظاہر کررہے ہیں ۔ مبینہ آڈیو کال میں گفتگو کے دوران ملک ریاض اور امبر، فرح گوگی سے متعلق بات چیت اور فرمائشوں کا تذکرہ کررہے ہیں۔

گفتگو میں سابق خاتون اول بشرا بی بی اور سابق وزیراعظم عمران خان کا بھی تذکر ہ بھی کررہے ہیں۔ امبر نے کہا کہ فرح گوگی نے انہیں کہا ہے کہ یہ تحفہ بشرا بی بی کے شایان شان نہیں،خاص دوست کو پسند نہیں آیا،امبرنے کہا کہ بی بی کو تین نہیں 5 کیرٹ کا ہیرا چاہیے،ملک ریاض نے امبر سے کہا کہ لیٹر بھی نہیں آیا،تالے بھی لگے ہیں،جس پر امبر نے کہا کہ لیٹر جلد مل جائے گاعمران خان نے یقین دہانی کروائی ہے،امبر،ملک ریاض کی بیٹی نے کام نکلوانے کیلئے سابق وزیراعظم کی اہلیہ کو ہیرے کا تحفہ دیا۔