ملکی بحران کی وجہ پنجاب کا بحران ہے ، عدالتوں کو قانون کے مطابق فیصلے کرنے چاہئے، فواد چوہدری

اسلام آباد(سٹاف رپورٹر) تحریک انصاف کےرہنما فواد چوہدری نے کہاہے کہ پنجاب میں سیاسی بحران کی وجہ سے پاکستان بحران میں ہے، حمزہ شہباز یا تو اعتماد کا ووٹ لے یاپھر دوبارہ الیکشن کرائے، عدالتوں کو تحریک انصاف یا ن لیگ کو سن کر نہیں بلکہ قانون اور انصاف کے مطابق فیصلے کرنے چاہئے۔

لاہور ہائیکورٹ بار میں میڈیا سے گفتگو کرتے ہوئے سابق وفاقی وزیر فواد چوہدری نے کہاکہ حمزہ شہباز 25 لوٹوں کا ووٹ لے کر وزیراعلٰی بن گئے،سپریم کورٹ کی تشریح کے بعد یہ ووٹ ہیں ہی نہیں،ہائی کورٹ کو اختیار نہیں کہ وہ سپریم کورٹ کے فیصلے پر سماعت کرے،یہ آسان سا نکتہ ہے مگر اس پر بحث ختم ہی نہیں ہو رہی ،اس کیس کادنوں نہیں بلکہ گھنٹوں میں فیصلہ ہونا چاہیے تھا،سپریم کورٹ کے فیصلے کے خلاف جاکر ووٹوں کو گنا نہیں جا سکتا،حمزہ شہباز یا تو اعتماد کا ووٹ لے یا ہھر دوبارہ الیکشن کروائے،مخصوص نشستوں پر کوٸی نااہل ہو تو دوسرے نمبر پر آنے والا منتخب ہو جاتا ہے۔

انہوں نےکہاکہ جو الیکشن کمیشن راجہ ریاض کے دستخط سے آیا ہو وہ کیا أنصاف کرے گا،الیکشن کمیشن نے عملی طور آئین کے آرٹیکل 224 کو معطل کر دیا،اگر ہمارے پانچ ممبران آتے ہیں تو ہماری تعداد حمزہ شہباز سے بڑھ جاتے ہیں ،یہ کس طرح ہو سکتا ہے کہ اکثریت نہ رکھنے والے کو اقتدار میں رکھے،لانگ مارچ میں غیر قانونی طور پر تشدداورخواتین کی بے حرمتی کرنے والوں کونشان عبرت بنائیں گے،عدالتوں کو تحریک انصاف یا ن لیگ کو سن کر نہیں بلکہ قانون اور انصاف کے مطابق فیصلہ کریں،ایک جماعت کے لیے ساری ساری رات عدالتیں کھلیں یا دوسروں کو خوش کرنے کے لیے فیصلے نہیں ہونے چاہیں،تحریک انصاف کوئی مسلح تنظیم نہیں ،ہمارے بیک ڈور رابطے نہیں بلکہ اوپن رابطےہیں۔