قلعہ عبداللہ :میزئی لیویز چوکی کے قریب زوردار بم دھماکے نتیجے میں دو افراد جاں بحق ہوگئے۔ جاں بحق ہونے والے دونوں افراد کی لاشیں انتظامیہ نے اپنی تحویل میں لے لی ہیں، تاہم ان کی شناخت تاحال نہیں ہو سکی۔
ابتدائی تحقیقات کے مطابق بم تخریب کاری کے لیے لے جایا جا رہا تھا، تاہم استعمال سے پہلے ہی دھماکہ ہوگیا۔ واقعہ کے مختلف پہلوؤں پر تحقیقات جاری ہیں اور سکیورٹی فورسز نے دھماکے کے بعد علاقے کو گھیرے میں لے کر سخت حفاظتی انتظامات کیے ہیں۔
علاقے میں خوف و ہراس پھیل گیا ہے اور انتظامیہ نے جائے وقوعہ سے شواہد اکٹھے کر کے مزید کارروائی شروع کر دی ہے۔ لیویز ذرائع کا کہنا ہے کہ تحقیقات کا دائرہ وسیع کر دیا گیا ہے۔
