کراچی کا جو گند سیکیورٹی اداروں نے صاف کیا تھا وہ واپس آ رہا ہے، فواد چودھری

اسلام آباد: سابق وفاقی وزیر اطلاعات اور پاکستان تحریک انصاف (پی ٹی آئی) کے رہنما فواد چودھری نے کہا ہے کہ کراچی میں جو گند سیکیورٹی اداروں نے صاف کیا وہ واپس آ رہا ہے۔شرح مہنگائی اور شرح سود اپنے عروج پر پہنچ چکی ہیں جبکہ دوست ممالک سے مدد نہیں ملی اور آئی ایم ایف کے معاملے پرابہام ہے۔

انہوں نے کہا کہ وزارت خزانہ لندن اور اسلام آباد کے تناؤ کی نظر ہو چکی ہے اور اندازہ لگائیں کے 2 ماہ پہلے تک پاکستان میں ایسا بحران نہیں تھا۔ ملکی خودمختاری اور معیشت دونوں پر وار ہوا۔

فواد چودھری نے کہا کہ وزیر اعظم نسرین جلیل کا نام سندھ کے نئے گورنر کے طور پر تجویز کیا ہے جبکہ 18 جون 2015 کو نسرین جلیل نے انڈین ہائی کمیشن کو خط لکھا اور نسرین جلیل نے انڈیا سے پاکستان کے قانون نافذ کرنے والے اداروں کے خلاف تعاون مانگا تھا۔

انہوں نے کہا کہ افسوس کراچی میں جو گند سیکیورٹی اداروں نے صاف کیا تھا وہ واپس آرہا ہے۔