ن لیگ کا بھرپور عوامی رابطہ مہم شروع کرنیکا فیصلہ
پاکستان مسلم لیگ (ن) نے فوری طور پر بھرپور عوامی رابطہ مہم شروع کرنے کا فیصلہ کیا ہے۔
لاہور: ن لیگ ذرائع سے بتایا ہے کہ پارٹی کی مرکزی نائب صدر مریم نواز عیدالفطر کے فوری بعد بھرپور طریقے سے عوامی رابطہ مہم شروع کریں گی۔
ذرائع کے مطابق ن لیگ کے قائد میاں نواز شریف کی صاحبزادی مریم نواز سینٹرل و جنوبی پنجاب اور صوبہ خیبرپختونخوا میں منعقدہ جلسوں سے خطاب کریں گی۔
ذرائع مطابق طے شدہ شیڈول کے تحت مریم نواز 6 مئی کو اٹک ،8 مئی کو اوکاڑہ اور 11 مئی کو صوابی میں منعقدہ جلسوں سے خطاب کریں گی۔مریم نواز مئی کے آخری ہفتے میں بہاولپور میں منعقدہ ایک بڑے جلسہ عام سے خطاب کریں گی۔
ن لیگ کی جانب سے شروع کی جانے والی بھرپور عوامی رابطہ مہم کے لیے پارٹی عہدیداران و کارکنان کو ہدایات جاری کردی گئی ہیں اور انہوں نے تیاریوں کا آغاز بھی کردیا ہے۔
واضح رہے کہ چیئرمین پاکستان تحریک انصاف اور سابق وزیراعظم عمران خان طے شدہ شیڈول کے تحت پنجاب کے چھ شہروں میں منعقدہ جلسوں سے خطاب کریں گے۔
